भिमाई आश्रमशाळेच्या वतीने उद्या पासून तहसील कार्यालयासमोर बेमुदत धरणे आंदोलन : रत्नाकर मखरे

भिमाई आश्रमशाळेच्या वतीने उद्यापासून तहसिल कार्यालयासमोर धरणे आंदोलन : रत्नाकर मखरे

इंदापूर : प्रतिनिधी दि.४सप्टेंबर  

आश्रमशाळेच्या प्रश्नांसंदर्भात मातोश्री रमाबाई आंबेडकर विद्यार्थी वसतिगृह ट्रस्टचे अध्यक्ष, माजी नगराध्यक्ष रत्नाकर मखरे,सर्व पदाधिकारी व संस्थेचे कर्मचारी उद्या (दि.५) रोजी शिक्षक दिनाच्या दिवशी  इंदापूर तहसील कार्यालयासमोर कार्यालयीन  वेळेमध्ये, शासनाच्या कोरोनाविषयक नियम पाळून बेमुदत धरणे आंदोलन करण्याचा निर्णय घेतला आहे.

       आश्रमशाळेकडील विद्यार्थ्यांचे गतवर्षीचे परिपोषण आहाराचे अनुदान त्वरित द्यावे.आश्रमशाळेकडील कर्मचाऱ्यांचे प्रलंबीत प्रश्न त्वरित सोडवावेत.बहुजन कल्याण विभागाचे वादग्रस्त प्रधान सचिव जगदीश प्रसाद गुप्ता यांच्यावर गुन्हा दाखल करुन अटक करण्यात यावे, या त्यांच्या मागण्या आहेत. सकाळी साडेदहा ते सायंकाळी साडेपाच या कार्यालयीन वेळेत हे बेमुदत धरणे आंदोलन होणार आहे.

मातोश्री रमाबाई आंबेडकर विद्यार्थी वसतिगृह ट्रस्टचे पदाधिकारी व भिमाई प्राथमिक आश्रमशाळा, क्रांतीज्योती सावित्रीमाई फुले माध्यमिक आश्रमशाळा, राजमाता अहिल्याबाई होळकर निवासी कनिष्ठ महाविद्यालय,मातोश्री रमाबाई आंबेडकर विद्यार्थी वसतीगृह (मुलांचे),फातिमा शेख मुलींचे वसतीगृह या संस्थांमधील शिक्षक,कर्मचारी आंदोलनात सहभागी होणार आहेत.

===============================