इंदापूर :-(प्रतिनिधी-दि.११/९/२०२०) ५ सप्टेंबर २०२० रोजी म्हणजेच शिक्षकदिनी इंदापूर तहसील कचेरी समोर विविध मागण्यांसाठी बेमुदत धरणे आंदोलनास बसलेल्या आश्रमशाळेच्या आंदोलनकर्त्यांना आंदोलनस्थळी इंदापूरच्या पत्रकारांच्या शिष्टमंडळाने आज दि.११/९/२० रोजी दुपारी सदिच्छा भेट दिली.भेटीदरम्यान आंदोलनकर्ते मातोश्री रमाबाई आंबेडकर विद्यार्थी वसतिगृह ट्रस्ट इंदापूरचे अध्यक्ष तथा माजी नगराध्यक्ष रत्नाकर मखरे यांच्या नेतृत्वाखाली संस्थेचे पदाधिकारी व कर्मचाऱ्यांच्या समवेत आश्रमशाळेच्या विद्यार्थ्यांचे गत वर्षीचे अनुदाना संदर्भातील माहिती व कर्मचाऱ्यांच्या अडचणी, प्रश्न शिष्टमंडळाने जाणून घेतले. शिष्टमंडळाने आंदोलनकर्त्यांच्या आंदोलनास जाहीर पाठिंबा दिला. पत्रकारांच्या शिष्टमंडळात अखिल भारतीय मराठी पत्रकार परिषद पत्रकार संघाचे जिल्हाध्यक्ष दै.सकाळचे बातमीदार डॉ. संदेश शहा , शहराध्यक्ष सुरेश जकाते, वेब न्यूज पोर्टलचे अध्यक्ष शैलेश काटे, जन प्रवासचे पत्रकार काकासाहेब मांढरे, शिवसृष्टी न्युजचे धनंजय कळमकर , ग्रामीण न्युजचे दीपक खिलारे व इंदापूरचे सामाजिक कार्यकर्ते हमीदभाई आतार ह्या सर्वांनी आंदोलनस्थळी भेट देऊन समस्यांबाबत चर्चा केली.
टिप्पण्या
टिप्पणी पोस्ट करा